ఫేక్ ఐడెంటిటి-1

నా మాటల్ని దాచుకోవాలనుకున్నావు..
మొదటి ప్రశ్నకే తడబడ్డాను..


గాజు పాత్ర పగిలిపోయింది.
అతికించే అవకాశం లేదు.
-


నా అక్షరాల్ని నింపుకోవాలనుకున్నావు..
దోసిట్లోకి ఆహ్వానించావు..


ప్రవాహం దారితప్పింది.
మళ్ళించే శక్తిలేదు.
-


నా హృదయాన్ని హత్తుకోవాలనుకున్నావు.
హృదయం నుండి పిలుపొచ్చింది..


నన్నెవరో బంధించారు.
విడిపించే మనుషుల్లేరు.
-


"ఐయామ్మ్ నాట్ ఫేక్ " అని అరవాలనుంది..
నువ్వు గుర్తొచ్చిన ప్రతిసారి!